Comezou no folclore aos 3 anos ao ser seu pai membro dun coro tradicional que pertencía a Lembranzas Galegas, unha das grandes agrupacións na cidade de Vigo. Alí coñeceu varios compañeiros cos que lle picou a curiosidade polas nosas raíces (Luís Prego ou Xisco Feijoo), por investigar e aprender de onde viñan os nosos costumes. Cos anos, fundaron O Fiadeiro e comenzaron un traballo de recompilación e aprendizaxe de músicas, bailes e costumes, recorrendo cada fin de semana un lugar de Galicia para preguntarlle aos maiores como se divertían e vivían. Pasaron, deste xeito, a ser receptores das costumes e vivencia do pasado do noso pobo. Actualmente a súa misión consiste en divulgar todo ese legado e trasmitilo, o máis fielmente posible, a modo de divertimento.

Na actualidade dirixe e é mestra en diversos grupos e asociacións veciñais coas na cidade de Vigo e arredores. Colabora en charlas e coloquios sobre a nosa tradición e continúa asistindo a obradoiros e xuntanzas sobre o noso folclore.